Magtymguly adyndaky TDU Russiýanyň we Belorussiýanyň öňdebaryjy ýokary okuw mekdepleri bilen hyzmatdaşlygy pugtalandyrýar
Magtymguly adyndaky Türkmen döwlet uniwersitetiniň mugallymlary M. W. Lomonosow adyndaky Moskwanyň döwlet uniwersiteti we Belorus döwlet uniwersiteti tarapyndan guralan seminarlara gatnaşdylar - diýip, «Neýtralnyý Turkmenistan» gazeti habar berýär.
Çäreler rus we belorus ýokary okuw mekdepleri bilen hyzmatdaşlyk etmek hakynda ylalaşygyň çäklerinde guraldy. MDU-nyň dosentleri Alekseý Korenew, Irina Petrosýan, aspirantlar Ýelena Plohih, Kseniýa Çikrizowa, şeýle hem professor Swetlana Titowa lingwistika ugry boýunça 8 webinar geçirdiler.
Olar TDU-nyň mugallymlaryny lingwistika usullarynyň synag ediliş aýratynlyklary, sözlükleriň ulanylyş usullary, şol sanda maglumat giňişliginde, mümkinçiligi çäklendirilen çagalary okatmak bilen tanyşdyrdylar.
Belorus kärdeşler barada aýdylanda, bu ýerde üns ýokary okuw mekdeplerinde biotehnologiýalary öwrenmek meselelerine gönükdirildi. Bilelikdäki maslahatda alymlar Göwher Şyhgulyýewa we Ogulsapar Nazarowa Türkmenistanda ýokary bilimi özgertmegiň tejribesi we BDU bilen hyzmatdaşlygyň geljegi barada gürrüň berdiler.
Mundan başga-da, TDU-nyň mugallymlaryny BDU-na tejribelige ibermegiň mümkinçilikleri we belorus halypalary tarapyndan türkmen talyplary üçin leksiýalaryň kursuny geçirmek ara alnyp maslahatlaşyldy.
BDU-nyň wekilleri, olaryň arasynda Tatýana Ditçenko we Irina Feklistowa Belarusyň esasy ýokary okuw mekdebiniň enjamlaşdyrylmagy, onuň infrastruktura mümkinçilikleri we bölümleri baradaky maglumatlary paýlaşdylar.
ORIENT habarlar
