Türkmen ýokary okuw mekdebinde döwlet nyşanlaryna bagyşlanan ylmy-amaly maslahat geçirildi
Ýagşygeldi Kakaýew adyndaky Halkara nebit we gaz uniwersiteti ýurduň esasy nyşanlaryna — döwlet baýdagyna we Türkmenistanyň Konstitusiýasyna bagyşlanan ylmy-amaly maslahatyň geçirilýän ýerine öwrüldi.
Çäre ýokary okuw mekdebiniň maglumatlar tehnologiýalary merkezinde geçdi. Onuň çäklerinde HNGU-niň mugallymlary we talyplary, ýörite orta okuw mekdepleriniň talyplary öz işleri hakynda, şol sanda alnyp barylýan ylmy-barlag işleri hakynda gürrüň berdiler.
Ýokary okuw mekdebiň Balkanabatdaky şahamçasynyň we ýerli orta hünär mekdebiniň talyplary hem wideo maslahat aragatnaşygy arkaly çärä goşuldylar. Olar demokratik ýörelgelere we türkmen halkynyň gymmatlyklaryna jogap berýän ýurduň esasy kanunynyň ähmiýetini ara alyp maslahatlaşdylar.
Mundan başga-da, talyplar we olaryň ylmy ýolbaşçylary Türkmenistanyň döwlet baýdagynyň we Konstitusiýanyň aýratynlyklary bilen tanyşdylar, olaryň hormatyna her ýylyň 18-nji maýy baýram edilip, bellenip geçilýär.
ORIENT habarlar
