Türkmenistan Merkezi Aziýa üçin Interpol taslamasynyň ilkinji duşuşygyna gatnaşdy
Daşkende, Türkmenistanyň gatnaşmagynda Merkezi Aziýa üçin Interpol Geiger taslamasynyň iş toparynyň ilkinji duşuşygy geçirildi. Şol ýerde oňa Merkezi Aziýa sebitiniň ýurtlarynyň hukuk goraýjy edaralarynyň wekilleri hem gatnaşdy.
Özbegistanyň Içeri işler ministrliginiň saýtynyň habar bermegine görä, bu duşuşygyň esasy maksady döwletlere radioaktiw we ýadro materiallaryny ýüze çykarmak, radiologiki hadysalara jogap bermek we ýüze çykarylanda derňew çäreleri geçirmek üçin kömek bermekdir.
Bu duşuşygyň esasy maksady pudagara utgaşdyrmak we maglumat alyş-çalşygy boldy. Interpolyň Geiger taslamasynyň maglumat bazasy polisiýa aňtawynyň gowy çeşmesidir.
2002-nji ýylda döredilen bu taslama ýadro we radioaktiw materiallaryň bikanun söwdasy we ýadro materiallary bilen beýleki rugsatsyz işler baradaky maglumatlary ýygnaýar we seljerýär.
ORIENT news
