Türkmen bilýardçylary Moskwada kubok üçin bäsleşer
Türkmen bilýardçylary 15-nji maýdan 20-nji maý aralygynda Russiýanyň paýtagtynda geçiriljek Moskwanyň häkiminiň kubogyna gatnaşar.
Bedenterbiýe we sport baradaky döwlet komitetinde ORIENT-iň habarçysyna berlen habara görä, türkmen wekiliýetiniň düzümini 13 sportçy bilen birlikde 17 adamdan ybarat.
Moskwanyň häkiminiň kubogyny Moskwa şäheriniň sport bölümi, Moskwanyň bilyard sport birleşigi we «Rossiyskaýa Gazetanyň» redaktorlary gurady. Çäre, Moskwa hökümetiniň goldawy bilen Halkara piramida konfederasiýasy we Russiýanyň Bilyard sport federasiýasy tarapyndan geçirilýär.
Bäsleşik dünýä çempionaty statusyna eýe bolup, oňa iň güýçli bilýard oýunçylary - Russiýanyň, Ýewropanyň we dünýäniň çempionlary gatnaşýar.
Bäsleşikler «erkin piramida» (erkekler, aýallar) dersinde geçiriler.
Ýaryşyň çäginde Russiýanyň milli ýygyndy toparlary bilen Halkara Piramida Konfederasiýasynyň (Dünýä Topary) arasynda oýun duşuşygy bolar. Oýunlar soňky gün 5x5 formatda geçiriler.
Moskwanyň häkiminiň kubogy-2023-iň baýrak gaznasy 2 725 000 rubl bolar.
ORIENT news
