Minsk we Aşgabat sport we syýahatçylyk pudagyndaky gatnaşyklary işjeňleşdirmegi maksat edinýär
Belarus Respublikasynyň Sport we syýahatçylyk ministrliginde 2023-nji ýylyň awgust aýynda Belarussiýada geçiriljek GDA ýurtlarynyň II oýunlaryna Türkmenistanyň milli ýygyndysynyň gatnaşmak mümkinçiligi ara alnyp maslahatlaşyldy. Belarus tarapynyň başlangyjy bilen bu ýerde Belarus Respublikasynyň Sport we syýahatçylyk ministri Sergeý Kowalçugyň Türkmenistanyň Minskdäki ilçisi Nazarguly Şagulyýew bilen duşuşygy geçirildi.
Duşuşygyň dowamynda türkmen-belarus gatnaşyklarynyň sport we syýahatçylyk pudagynda ösüşiniň geljegi, şeýle hem bu ugurlarda hyzmatdaşlygy köptaraplaýyn görnüşde artdyrmak mümkinçiligi barada giňişleýin pikir alyşyldy. Bu barada ORIENT- e Türkmenistanyň Belarus Respublikasyndaky ilçihanasy habar berdi.
Diplomatik wekilhanada berilýän habara görä, Sergeý Kowalçuk we Nazarguly Şagulyýew Türkmenistan bilen Belarusyň arasyndaky sport boýunça gatnaşyklaryny güýçlendirmek meselesinde çykyş etdiler we syýahatçylyk pudagyndaky gepleşiklere täze itergi bermegi ylalaşdylar.
ORIENT news
