Aşgabatdaky Fransuz institutynda Kan kino festiwalynyň filmleriniň görkezilişi geçiriler
20-nji maýda Aşgabat şäherindäki Fransuz institutynda Kan halkara film festiwalyna gabatlanyp, filmleriň görkezilişi geçiriler. Tomaşaçylar geçen ýyl Kan kino festiwalynda görkezilen dört filme tomaşa edip bilerler.
Film marafonynyň meýilnamasyna fransuz režissýorlarynyň “Iki dünýäň arasynda”, “Gijeki lukman”, “Gyzyl toprak” we “Mademoiselle hemmetaraplaýyn ýagdaýy gowy” filmleri girdi. Filmler rus dilinde subtitrler bilen görkeziler.
Görkeziliş tamamlanandan soňra tomaşaçylara tomaşa eden filmlerine syn bermek üçin anketany doldurmak teklip ediler. Anyk we doly maglumatly bahalandyrmanyň awtoryna sowgat hökmünde Kan film festiwalynyň resmi hyzmatdaşy bolan paýtagtyň Dessange gözellik salonynyň şahadatnamasy gowşurylar.
Film marafony 20-nji maýda sagat 14:00-dan 22:00-a çenli dowam eder. Has giňişleýin maglumatlar üçin Fransuz instituty bilen 363545, 363468 telefon belgileri arkaly habarlaşyp bilersiňiz. Çäräniň meýilnamasy Institutyň Instagram sahypasynda ýerleşdirilendir.
ORIENT news
