Özbegistanyň prezidentiniň saýlawlarynda möhletinden öň ses bermek 28-nji iýundan 5-nji iýula çenli geçiriler

Maý 13, 2023 | 11:30 |7844

Özbegistanyň prezidentiniň 9-njy iýula bellenen prezident saýlawlarynda möhletinden öň ses bermek 28-nji iýundan 5-nji iýula çenli geçer – diýip, Özbegistanyň MST-nyň metbugat gullugyna salgylanyp, TASS habar berýär.

Respublikanyň saýlaw kodeksine laýyklykda, saýlaw güni öz ýaşaýan ýerinde bolmaga mümkinçiligi bolmadyk raýat möhletinden öň ses berip biler. Özbegistanyň Merkezi saýlaw toparynyň wekiliniň aýtmagyna görä, munuň üçin ol adama saýlaw güni bolmazlygynyň sebäbini görkezip, uçastok saýlaw toparyna arza ýazmaly bolar, meselem — zähmet rugsady, iş sapary, daşary ýurda gidýänligi sebäpli we ş.m.

Şawkat Mirziýoýew ýurduň Liberal-demokratiki partiýasyndan Özbegistanyň prezidentligine dalaşgär edilip hödürlendi.

ORIENT habarlar