Türkmen ştangaçysy Aziýanyň çempionatynda bürünç medal gazandy
Türkmen agyr atletikaçysy Enemjan Rustamowa Çindžouda (Koreýa Respublikasy) geçýän Aziýanyň çempionatynda bürünç medal gazandy.
Ştangaçy 87 kg agram derejesinde böküp götermekde bürünç medala eýe boldy. Birinji gönükme tamamlanandan soň ol özbek agyr atletikaçysy Regina Adaşbaýewadan (103 kg) we Hytaýyň Taýbeýinden Lo Ýing-Ýuandan (110 kg) soňra üçünji boldy (102 kg).
Ýöne itekläp götermekde türkmen türgeni bäşinji netijäni görkezdi (124 kg), şeýlelik bilen jemleýji çykyşda bäşinji ýeri eýeledi (226 kg).
5-nji maýda başlanan agyr atletika boýunça Aziýanyň çempionaty dünýäniň 37 ýurdundan 400-e golaý türgeni ýygnady. Türkmen tarapyna ýaryşda 16 ştangaçynyň (9 erkek we 7 zenan) wekilçilik edýändigini belläp geçýäris.
Yklymlaýyn birinjilik 2024-nji ýylda geçiriljek Olimpiýa oýunlarynyň öňüsyrasynda saýlama ýaryş bolup durýar. Çempionat 13-nji maýda tamamlanýar.
ORIENT habarlar
