Olimpiýa halkalary Afinydaky taryhy stadiona gaýdyp geldiler
Aýrylandan 12 ýyl geçenden soňra äpet olimpiýa halkalary häzirki zaman ilkinji Olimpiýa oýunlary geçen Afinydaky «Panatinaikos» stadionyna gaýdyp geldiler. Olar ýene-de sport toplumynyň esasy girelgesiniň aňrybaşdaky çetinde oturdyldy.
«Bu Gresiýanyň Olimpiýa komiteti üçin beýik pursatdyr. Birnäçe ýyldan soňra oýunlaryň nyşany gaýdyp geldi. Indi «Panatinaikos» stadionyna baryp görýän ähli grekler we daşary ýurtlylar ol ýerde geçen taryhy sport çärelerini ýatda saklarlar» -diýip, Gresiýanyň Milli olimpiýa komitetiniň prezidenti Sporis Kapralos aýtdy.
Taslama grek olimpiýa komitetiniň howandary - Mytilineos.SA. kompaniýasynyň goldaw bermeginde ýerine ýetirildi.
2011-nji ýylda howpsuzlyk çäreleriniň berjaý edilmegi sebäpli stadiondaky halkalar ýerinden aýrylypdy. Şondan bäri bu ýerde 1896-njy ýylda olimpiýa hereketiniň dörändigini diňe girelgedäki baýdaklar ýada salýardylar.
ORIENT habarlar
