Wolokolamskda Beýik Watançylyk urşunda wepat bolan Merkezi Aziýaly esgerleriň hatyrasyna musulman merkezi açyldy
Gadymy Wolokolamsk şäherinde Merkezi Aziýada esaslandyrylan Panfilowyň 8-nji Gyzyl baýdak gwardiýa diwiziýasynyň gahrymanlarynyň görkezen edermenliginiň hatyrasyna açylan musulman ruhy we bilim merkezine Memorial derejesi berildi. Bu barada Russiýanyň metbugaty Wolokolamskyň dolandyryş merkeziniň metbugat gullugyna salgylmak bilen, habar berýär.
1941-nji ýylyň gyşynda Wolokolamskda gazaply söweşler boldy. Goranyş halkara birleşmäniň meşhur panfilowçylary tarapyndan alnyp baryldy. 43 milletiň wekilleri bolan diwiziýanyň esgerleri Moskwa tarap sürünýän dumany saklamak üçin janlaryny pida etdiler.
Täze açylan Musulman merkezi Beýik Watançylyk urşunda wepat bolan gahrymanlaryň hatyrasyna doga-dilegleriň okalýan ýerine öwrüler. Isleg bildirýänler Wolokolamskyň taryhy, onuň Gündogar bilen gatnaşygy, şeýle hem panfilowçy gahrymanlaryň edermenligi barada gürrüň berýän sergi gurnalan muzeý otagyna hem baryp görerler.
ORIENT news
