BMGÖM žurnalistler üçin KHBS-de adam hukuklary meselelerini beýan etmek boýunça seminar gurady
Türkmen žurnalistleri üçin KHBS-de adam hukuklarynyň meselelerini beýan etmek boýunça onlaýn-seminar öz işine başlady. Oňa gazetleriň we žurnallaryň, telewideniýäniň, maglumat onlaýn-neşirleriň işgärleri, türkmen ýokary okuw mekdepleriniň žurnalistika fakultetiniň talyplary, şeýle hem jemgyýetçilik birleşmeleriniň hünärmenleri gatnaşýarlar.
Iki günlük okuw oňa gatnaşyjylary adam hukuklaryny goramagyň halkara we sebitleýin ulgamlary bilen, bu ugurdaky soňky işläp düzmeler bilen tanyşdyrar. Medianyň wekillerine adam hukuklaryny giňeltmek we goramak bilen meşgullanýan milli edaralaryň derejesine degişli Ýörelgeler ýa-da başgaça aýdylanda —Pariž ýörelgeleri hödürleniler we žurnalistler üçin olaryň ähmiýeti düşündiriler.
Seminaryň BMGÖM tarapyndan Türkmenistanyň Adam hukuklary boýunça ygtyýarlandyrylan wekiliniň (Ombudsmeniň) edarasy tarapyndan hyzmatdaşlykda guralandygy üçin, aýratyn sessiýa adam hukuklary boýunça Ygtyýarlandyrylanyň edarasynyň žurnalistler bilen hyzmatdaşlygyna bagyşlanar, onuň çäklerinde bu ugurdan üstünlikli mysallara serediler.
Çäräniň interaktiw formaty gatnaşyjylara alnan bilimleri şol bada tejribede ulanmaga mümkinçilik berer.
Seminary Ýewropa Geňeşiniň ylmy bilermeni Stefani Lemke geçirýär.
ORIENT habarlar
