Prezident Serdar Berdimuhamedow döwlet sapary bilen Täjigistana bardy
Türkmenistanyň Prezidenti Serdar Berdimuhamedow döwlet sapary bilen Täjigistana geldi – diýip, Türkmenistanyň Duşenbedäki ilçihanasy habar berýär.
Saparyň öň ýanynda Duşenbede türkmen-täjik işewürlik forumy guraldy, şeýle hem başga birnäçe çäreler geçirildi.
Duşenbäniň halkara howa menzilinde Türkmenistanyň baştutanyny Täjigistanyň premýer-ministri Kohir Rasulzoda we beýleki birnäçe resmi adamlar garşyladylar.
Saparyň dowamynda ýokary derejedäki gepleşikleriň geçirilmegine, taraplaryň onda meseleleriň giň toparyna garamagyna garaşylýar. Duşuşygyň jemleri boýunça hyzmatdaşlyk hakynda birnäçe täze resminamalara gol çekilmegine hem garaşylýar.
Häzirki günde Türkmenistanyň we Täjigistanyň hyzmatdaşlygy sebitiň ýurtlarynyň ykdysadyýetini ösdürmek üçin strategiki faktor bolup durýar. Merkezi Aziýanyň ulag we energetika infrastrukturasynyň ösmeginde wajyp orun eýeleýän «Türkmenistan-Hytaý» gaz geçirijisi Täjigistanyň çäginden geçýär.
ORIENT habarlar
