Maýyň ilkinji günleri birnäçe ýurtlarda syn etmeleriň tutuş taryhynda iň sowuk günler boldy
Dünýäde birbada birnäçe ýurt taryhyndaky iň sowuk maý günleri barada habar berdiler. Mysal üçin, Awstraliýanyň paýtagty Kanberrada gar we doly ýagdy, şeýdip hem geçen hepdäni 23 ýyldan gowrak wagtyň dowamyndaky iň sowuk döwür holmünde görkezdi.
Awstraliýanyň beýleki bir şäherinde – Sidneýde, duşenbe güni güýçli şemal we öňünden bilip bolmaýan howa sebäpli birnäçe uçuşlar ýatyryldy. Sowugyň hepdäniň soňuna çenli dowam etmegine garaşylýar. Ýekşenbe güni agşam Sidneý obserwatoriýasynyň baýyrynda +7,1 gradus temperatura hasaba alyndy, bu bolsa 1999-njy ýyldan bäri şäherde maý aýynda hasaba alnan iň pes temperatura boldy.
Italiýada 1957-nji ýyldan bäri ýurtdaky iň sowuk maý güni hasaba alyndy – temperatura soňky 62 ýylyň dowamynda iň pes derejä düşdi.
Maýyň yssy aý hasaplanýan şäheri Nýu-Delide geçen hepde temperatura +15,8 gradusa çenli pese düşdi, şeýdip ony 1901-nji ýyldan bäri iň sowuk günleriň biri hökmünde görkezdi.
Çandigarh atly hindi şäherinde sekiz ýyldan gowrak wagt dowamynda iň pes maý aýynyň temperaturasy — +17,3 gradus hasaba alyndy.
ORIENT habarlar
