Türkmen boksçylary Daşkentde geçirilýän dünýä çempionatynyň 1/8 final tapgyryna çykdylar
Türkmen boksçylarynyň ikisi Daşkentde geçirilýän dünýä çempionatynyň 1/16 jemleýji tapgyrynda ýeňiş gazanyp, ýaryşyň indiki tapgyryna çykmaga hukuk gazandylar.
67 kg çenli agram derejede Saparmyrat Ödäýew şwesiýaly boksçy Adel Belaliýany wagtyndan öň ýeňmegi başardy. Indiki tapgyrda ol wenesuelaly Kristian Palasio bilen duşuşar.
71 kg çenli agram derejesinde çykyş edýän Baýramdurdy Nurmuhammedow eminleriň karary bilen mawrikiýaly Merwen Klerden üstün çykdy. Indiki duşuşygynda türkmen boksçysy russiýaly Igor Swiridçenkow bilen söweşer.
Özbegistanyň paýtagtynda geçirilýän dünýä çempionatynda 65 ýurtdan 300 türgen 13 agram derejesinde baýrakly orunlar ugrunda bäsleýär.
Çempionatyň baýrak gaznasy ABŞ-nyň 5,200,000 dollary bolup, ýeňijiler 200 000 dollar, kümüş medal gazananlar 100 000 dollar, bürünç medala mynasyp bolanlar 50 000 dollar alarlar.
ORIENT news
