Aşgabatdaky Türkiýäniň ilçihanasynda Türkiýedäki ähliumumy saýlawlarda ses bermek üçin saýlaw uçastogy açyldy
Maý 06, 2023 | 16:28 |10256
Türkiýedäki prezident we parlament saýlawlary bilen baglylykda, Türkiýäniň Aşgabatdaky ilçihanasynda şenbe güni ir sagat 9:00-da saýlaw uçastogy açyldy. Türkmenistanda ýaşaýan türk raýatlary ýurduň diplomatik wekilhanasynda ses berip bilerler.
Türkiýede ähliumumy saýlawlar 14-nji maýda geçiriler. Ses berişligiň birinji tapgyry üçin türkmen paýtagtynda saýlaw uçastogy 6-7-nji maý aralygynda açykdyr. Saýlawçylar sagat 09:00-dan 21:00-a çenli gelip, öz dalaşgärlerine ses berip bilerler.
Türkiýedäki saýlaw tejribesine görä, ikinji tapgyr, zerur bolan halatynda, 28-nji maýda geçiriler. Ýurtda prezident we parlament saýlawlary bir günde geçirilýär.
Türkiýäniň Aşgabatdaky ilçihanasy Görogly köçesi, 9-njy jaý salgysy boýunça ýerleşýär.
ORIENT news
