Astrahandaky türkmen konsuly «Baky şöhrat oduna» gül desselerini goýdy
Türkmenistanyň Russiýanyň Astrahan şäherindäki konsuly Nury Gölliýew Doganlyk bagynda ýerleşýän «Baky şöhrat oduna» gül goýmak dabarasyna gatnaşdy – diýip, türkmen konsullygy habar berýär.
«Biz öz geçmişimizi ýatda saklamaly we öz umumy taryhymyzy bilmeli. Baýram mynasybetli Astrahan oblastynyň ähli ýaşaýjylaryna arassa asman we rahat maşgala ojagyny arzuw edýärin!» – diýip, Gölliýew beýan etdi.
Ol şeýle hem Sowet Soýuzynyň halklarynyň Beýik Ýeňşe goşan goşandyny belledi. Şeýlelikde, 104 türkmenistanla Sowet Soýuzynyň gahrymany ady berildi, 15 türkmenistanly Şöhrat ordeniniň doly kawalerleri boldular we 130 müňden gowrak adam dürli ordenlere we medallara mynasyp boldular.
Gül goýmak dabarasyna şeýle hem Eýranyň, Gazagystanyň diplomatik wekilhanalary, Russiýanyň DIM-niň wekilleri we Astrahan oblastynyň ýolbaşçylary gatnaşdylar.
ORIENT habarlar
