Türkmenistanda ÝB-ni maksatnamalarynyň ýubileýine bagyşlanan çagalar surat bäsleşiginiň jemlerini jemlediler
Ýewropa Birleşiginiň iki maksatnamasynyň — Merkezi Aziýada serhetleriň dolandyrlmagyna ýardam etmek Maksatnamasynyň (BOMKA) we Merkezi Aziýada neşe serişdeleriniň ýaýradylmagynyň öňüni almak Maksatnamasynyň (CADAP) 30 ýyllygyna bagyşlanyp badalga berlen «Dostlugyň çägi ýokdur» atly çagalaryň surat bäsleşiginiň ýeňijilerini sylaglamak dabarasy boldy.
Bäsleşige 8 ýaşdan 12 ýaşa çenli çagalar gatnaşdylar. Bäsleşigiň eminleriniň düzümine Ýewropa Birleşiginiň wekiliýetiniň, Türkmenistanyň Daşary işler Ministrliginiň we BOMKA we CADAP maksatnamalarynyň wekilleri girdiler. Ol şu aşakdaky ýeňijileri kesgitledi:
Birinji ýere Nuraly Babamyrdow, ikinji ýere – Mähri Myradowa, üçünji orna bolsa Margarita Kurbanowa mynasyp boldular. Türkmenistandaky ÝB-niň wekiliýetiniň ýörite baýragyna Arina Kondriman mynasyp boldy.
Ýokarda agzalan baýraklardan başga-da, 10-dan gowrak çaga BOMKA Maksatnamasyndan höweslediriji baýraklaryna mynasyp boldular.
ORIENT habarlar
