Türkmenistan we Argentina syýasy dialogy işjeňleşdirmäge taýýardyrlar
Türkmenistanyň Russiýadaky ilçisi Batyr Nyýazlyýew Argentinadan kärdeşi Eduardo Antonio Zuaýn bilen iki ýurduň arasyndaky syýasy-diplomatik dialogy işjeňleşdirmegiň meselelerini ara alyp maslahatlaşmak üçin duşuşdy – diýip, Türkmenistanyň RF-daky diplomatik wekilhanasy habar berýär.
Diplomatlar ikitaraplaýyn hyzmatdaşlygyň ýagdaýy barada pikir alyşdylar, şeýle hem ykdysadyýetde, söwdada, medeni-ynsanperwer babatynda we sportda özara gatnaşygy öňe sürmek boýunça ikitaraplaýyn gyzyklanmanyň bardygyny bellediler.
Mundan başga-da, taraplar halkara guramalarynyň çäklerinde, aýratyn hem BMG-niň we ÝHHG-nyň ugry boýunça hyzmatdaşlygyň geljegine garadylar.
Duşuşygyň jemleri boýunça ilçiler Moskwadaky diplomatik wekilhanalaryň üsti bilen iş aragatnaşyklaryny dowam etdirmek barada ylalaşdylar.
ORIENT habarlar
