Türkmen gümrükçileri ýokary töwekgelçilikli ýükleri gözden geçirmek babatynda habardarlygy ýokarlandyrýarlar
Türkmenistanyň Döwlet gümrük gullugynyň wekilleri ýokary töwekgelçiligi bolan ýükleri gözden geçirmek, şeýle hem gümrük gözegçiliginiň häzirki zaman usullaryndan peýdalanmak boýunça bilelikdäki nazary-amaly okuwa gatnaşdylar. Bu barada Türkmenistanyň gümrük edarasynyň saýtynda habar berilýär.
Sapaklar BMG-niň Neşeler we jenaýatçylyk baradaky müdirliginiň (UNODC) Merkezi Aziýadaky wekilhanasy bilen Bütindünýä gümrük guramasy tarapyndan bilelikde gurnaldy. Oňa şeýle hem Täjigistan Respublikasynyň prezidentiniň ýanyndaky Neşe serişdelerine gözegçilik etmek boýunça agentligiň işgärleri hem gatnaşdy.
Ýokary töwekgelçiligi bolan ýükleri gözden geçirmegiň tertibi konteýnerlere degişli 1972-nji ýylyň Gümrük konwensiýasy tarapyndan göz öňünde tutulandyr.
ORIENT habarlar
