TDHÇB-daky söwdalaşyklar: BAE-ne karbamidiň 100 müň tonnasyny ugratmak barada geleşik baglaşyldy
Duşenbe güni, 24-nji aprelde Türkmenistanyň Döwlet haryt-çig mal biržasyndaky söwdalaşyklarda jemi bahasy $20,4 mln amerikan dollaryna deň bolan 9 geleşik baglaşyldy – diýip, ORIENT-iň habarçysy habar berýär.
BAE-den gelen işewür «B» kysymly karbamidiň jemi 100 müň tonnasyny satyn aldy. Önümiň her tonnasyna $181 amerikan dollary baha berildi, geleşigiň jemi bahasy bolsa $18,1 mln amerikan dollaryna deň boldy.
Türkiýäniň işewür toparlarynyň wekilleri nah ýüplüginiň dürli görnüşleriniň 1 mln kg-dan gowragyny $2 mln-dan gowrak amerikan dollaryna satyn aldylar.
Gyrgyzystandan gelen telekeçi matalaryň dürli görnüşleriniň 750 müň inedördül metrini $285 müň amerikan dollaryna satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
