Türkmen dzýudoçylary Aziýanyň açyk Kubogyna gatnaşarlar
Türkmen dzýudoçylary 28-29-njy aprelde El-Kuweýtde (Kuweýtde) geçirljek dzýudo boýunça Aziýanyň açyk Kubogynda çykyş ederler. Bu barada Dzýudo boýunça halkara federasiýanyň resmi saýty habar berýär.
Bu ýaryşda Türkmenistana 14 türgen wekilçilik eder.
Türkmenistanyň erkekler toparynyň düzümine Aýbek Omirow, Mekan Ramazanow, Döwran Ýazgylyjow, Aly Agamämmedow (60 kg çenli agram derejesinde), Toýly Myradow (66 kg çenli), Parahat Nazarow, Begenç Soltanow (ikisem - 73 kg çenli), Mämmedaly Açyldyýew (90 kg çenli) we Baýmyrat Majanow (100 kg çenli) dagy girdiler.
Zenanlar toparyny Aksoltan Hojageldiýewa, Kurbanaý Kurbanowa (ikisem - 48 kg çenli), Saýara Rozyýewa (52 kg çenli), Maýsa Pardaýewa (57 kg çenli) we Zulhumar Daşkinowa (63 kg çenli) dagy düzdüler.
Aziýanyň açyk Kubogy dört yklymyň 27 ýurdundan 156 dzýudoçyny (116 erkek we 40 zenan) ýygnar.
ORIENT habarlar
