Wengriýanyň prezidenti 2024-nji ýylda Türkmenistana saparyny meýilleşdirýär
Wengriýanyň prezidenti Katalina Nowak döwlet baştutanyna ynanç hatyny gowşuran Türkmenistanyň Wengriýadaky ilçisi Hemra Amannazarow bilen duşuşygy mahaly 2024-nji ýylda Türkmenistana sapar bilen gelmek islegini beýan etdi.
Iki ýurduň arasyndaky gatnaşyklaryň möhümdigini belläp, Nowak prezident edarasynyň jogapkär adamlaryna we Wengriýanyň Daşary işler we söwda ministrligine geljekki saparyň taýýarlyk meselelerine seretmekligi tabşyrdy – diýip, Türkmenistanyň Wengriýadaky ilçihanasynyň saýty habar berýär.
Duşuşygyň barşynda türkmen diplomaty Wenger Halk Respublikasynyň baştutanyna Türkmenistanyň Prezidenti Serdar Berdimuhamedowyň, şeýle hem Halk Maslahatynyň Başlygy Gurbanguly Berdimuhamedowyň adyndan mähirli salamyny we iň gowy arzuwlaryny ýetirdi.
Hemra Amannazarow Katalina Nowaga Türkmenistanyň soňky gazananlary we üstünlikleri barada, ýurduň ýokary derejedäki gatnaşyklary öňe sürmek üçin mümkinçiligi barada habar berdi.
Türkmenistanyň Wengriýa bilen diplomatik gatnaşyklary 1992-nji ýylyň maýynda ýola goýlupdy. Wengriýa Respublikasy 1991-nji ýyldan bäri Ýewropanyň Geňeşiniň agzasydyr, 2004-nji ýyldan bäri bolsa — Ýewropa Birleşiginiň doly hukukly agzasydyr.
ORIENT habarlar
