Türkmenistanyň futbol boýunça ýygyndysynyň CAFA Nations Cup 2023-däki bäsdeşlerini belli boldy
Türkmenistanyň futbol boýunça ýygyndysynyň 10-njy iýundan 20-nji iýuna çenli geçjek Merkezi Aziýanyň Futbol birleşmesiniň (CAFA) birinji çempionatyndaky topar boýunça bäsdeşlerini belli boldy – diýip, subfederasiýanyň resmi saýty habar berýär.
Bije atyşlygyň netijeleri boýunça türkmen topary «A» toparynda Özbegistan, Täjigistan we Oman bilen oýnar. Bu kwartetdäki ýaryşlar Daşkentde geçer.
CAFA Nations Cup 2023-de özüniň ilkinji oýnuny Türkmenistanyň ýygyndysy 11-nji iýunda Täjigistanyň ýygyndysynyň garşysyna geçirer. Ikinji tapgyrda türkmen futbolçylary Özbegistanyň garşysyna oýnarlar. Toparlaýyn tapgyryň jemleýji oýnunda 17-nji iýunda türkmen topary Omanyň ýygyndysy bilen duşurar.
«B» toparda Bişkekde Eýranyň, Gyrgyzystanyň we Gazagystanyň ýygyndylary çykyş ederler.
Reglamente laýyklykda toparlaýyn tapgyrda oýunlar aýlaw ulgamy boýunça bir aýlawda geçiriler. Iki toparyň ýeňijileri finalda duşuşarlar. Öz kwartetlerinde ikinji bolan toparlar üçünji ýer üçin göreşerler.
ORIENT habarlar
