Stambulda türki dünýäniň synçylarynyň Simpoziumy açyldy
27-nji aprelde Stambulda tejribe alyşmaga, edebiýaty we türki dilli halklaryň medeniýetini dünýä ýaýmaga ýardam etmäge gönükdirilen türki dilli dünýäniň synçylarynyň Simpoziumy açyldy.
Simpoziumda Türkmenistana «Media-Türkmen» maglumatlar agentliginiň ORIENT saýtyndan, Atawatan Türkmenistan žurnalyndan, Türkmenportal maglumatlar portalyndan we SalamNews internet neşirinden wekiliýetler wekilçilik edýärler.
Simpozium garyndaş türki dilli halklaryň özara gatnaşygyny pugtalandyrmaga neiýetlenip, ol türki dilli dünýäniň dil, edebiýat, taryh, medeniýet, bilim we gender meseleleri ýaly dürli ugurlary boýunça geçirilýär.
Bu ýyl çärede wekiliýetler täze asyrda KHBS-niň orny baradaky möhüm meseleleri, halkara arenasynda milli bähbitleri goramak, türki dilli döwletleriň Guramasynyň geljek ýüzýyllykdaky ähmiýetine degişli möhüm meseleleri ara alyp maslahatlaşarlar. Aýratyn üns şeýle hem energetika hyzmatdaşlygyna berler.
Türki dilli dünýäniň synçylarynyň Simpoziumy Niýde Ömer Halisdemir (Türkiýe) uniwersitetiniň başlangyjy bilen 2014-nji ýyldan bari Gazagystanyň, Azerbaýjanyň, Tatarystanyň we Başgyrdystanyň beýleki ýokary okuw mekdepleri bilen bilelikde geçirilýär.
ORIENT habarlar
