Türkmenistanda sanjymlaryň aýratynlyklary boýunça çekişme ýaryşy geçdi
Ýewropanyň immunizasiýa hepdeliginiň çäklerinde BSGG-nyň Türkmenistandaky Ýurt edarasy Myrat Garryýew adyndaky Döwlet lukmançylyk uniwersitetiniň talyplarynyň arasynda immun öňüni alyş boýunça çekişme ýaryş geçirdi.
Talyplar ýokanç keselleriň öňüni almakda sanjym geçirmegiň netijeliligi boýunça dürli soraglara jogap berdiler, sanjymlar kesellemegi azaltmagyň we onuň kliniki agyrlygyny gowşatmagyň esasy faktorydyr. Geljekde lukmankärine eýe boljak talyplar bu ugurdaky bilimleriniň degişli derejesini görkezdiler.
Başlangyç lukmançylyk-sanitar kömeginiň esasy düzüm bölekleriniň biri hökmünde sanjym geçirmegiň möhümligi barada gowy habardarlylygy ýazmaça işleriň bäsleşiginde hem görkezdiler. Olar näme üçin keseliň öňüni alyjy sanjymlary geçirmelidigi, sanjymdan ýüz döndermegiň nähili netijelere getirip biljekdigi barada öz garaýyşlaryny paýlaşdylar.
Bütindünýä kampaiýasy bolan Ýewropanyň immunizasiýa hepdeligi 30-njy aprele çenli dowam eder.
ORIENT habarlar
