Türkmenistanda çagalara seretmek we maşgalany goramak ulgamynyň pugtalandyrylmagy boýunça ädimleri ara alyp maslahatlaşdylar
Türkmenistanda çagalara seretmek we maşgalany goramak ulgamyny pugtalandyrmak boýunça indiki ädimler ÝUNISEF tarapyndan Türkmenistanyň Bilim ministrligi bilen hyzmatdaşlykda geçiren tegelek stolunyň barşynda ara alyp maslahatlaşyldy.
Gatnaşyjylar olaryň isleglerini kanagatlandyrmak üçin çagalara seretmek ulgamyny özgertmek babatynda dünýäniň dürli ýurtlarynyň öňdebaryjy tejribesi bilen tanyşdylar. Şunuň bilen baglylykda, durmuş işine ýöriteleşýän hünärmenleri artdyrmagyň zerurdygy bellenildi.
Goragly, amatly maşgala gurşawy – her bir çaga üçin iň gowy gurşawdyr we onuň beden, ahlak we akyl (intellektual) taýdan ösmegi, şeýle hem beden we ruhy saglygyny saklamagy we berkitmegi üçin esasdyr.
Muny gazanmak üçin dünýädäki her bir döwlet çagalary goramagyň durmuş ulgamyna maýa goýmalydyr, ol ulgam goldawa mätäç maşgalalary we çagalary ýüze çykaryp bilýär we olara anyk isleglerine jogap berýän durmuş hyzmatlary berip bilýär.
Türkmenistanyň hökümeti we ÝUNISEF ýurtda çagalary we maşgalalary goramak ulgamyny pugtalandyrmagyň üstünde bilelikde işleýärler.
Duşuşyga hukuk goraýjy edaralaryň, durmuş pudagynyň ministrlikleriniň we edaralarynyň wekilleri, aliýe, statistika baradaky döwlet komitetiniň, şeýle hem howandarlyk edaralaryň adyndan Aşgabadyň ýerli häkimiýet edaralary we kämillik ýaşyna ýetmedikeriň işi boýuça toparyň wekilleri gatnaşdylar.
ORIENT habarlar
