Braziliýada Peläniň ady "ajaýyp" sözüniň sinonimi bolup biler
Aprel 25, 2023 | 22:29 |6667
Rowaýata öwrülen futbolçynyň adyny Portugaliýanyň sözlügine goşmak we ony "beýik", "deňi-taýy bolmadyk", "ajaýyp" we "özboluşly üýtgeşik" sözleri bilen manydaş etmek isleýärler. Braziliýada şeýle başlangyç öňe sürüldi – diýip, Ispaniýanyň EFE garaşsyz agentligi habar berýär.
“Ähli döwürleriň ägirdi bolan braziliýalyny hemme tanaýar we oňa hormat goýýar. Adyny sözlüge salmak arkaly Peleni hatyralamagyň, adyny müdimileşdirmegiň wagty geldi" – diýip, Pele Fondunda aýdýarlar. Bu kampaniýa hüjümçiniň oýnan “Santos” futbol kluby tarapyndan hem goldanyldy.
Pele 2022-nji ýylyň 29-njy dekabrynda 82 ýaşynda aradan çykdy. Ol 1958-nji, 1962-nji we 1970-nji ýyllarda futbol boýunça dünýäniň üç gezek çempiony bolan ýeke täk futbolçydyr.
ORIENT news
