Russia Today Documentary ahalteke bedewleri hakynda filmi surata düşürýär
Russia Today Documentary studiýasynyň işgärleri bedewleriň ahalteke tohumy hakynda gürrüň berýän dokumental filmi surata düşürmek üçin Türkmenistana geldiler – diýip, «Türkmenistan» gazeti habar berýär.
RT eýýäm «Galkynyş» atly milli at üstündäki oýunlar toparynyň çykyşynyň geçýän Türkmenistanyň Döwlet sirkinde bölekleri surata düşürdi. Türkmen bedewiniň gününe bagyşlanan çäräniň çäklerinde arenada toparyň iň gowy çykyşlarynyň biri görkezildi.
Atçylar öz ýolbaşçylarynyň, Aba Annaýew adyndaky halkara atçylyk akademiýasynyň rektory Pygy Baýramdurdyýewiň baştutanlygynda Akhan atly bedewiň mümkinçiliklerini görkezdiler, ol yzky aýaklarynda iň uzak aralygy geçmek bilen Ginnesiň rekordlar kitabyna girdi.
Film Türkmenistanda atçylyk sportunyň ösüşi we, umuman, atçylyk barada, şeýle hem bu gadymy atlaryň tohumyny meşhur etmek üçin türkmen hökümeti tarapyndan alnyp barylýan çäreler barada gürrüň berer.
ORIENT habarlar
