Iň ygtybarly hereketlendirijili awtoulaglar mälim edildi
Awtoulagdaky iň gymmat düzüm bölekleriniň biri-de hereketlendirijidir, şonuň üçin ony çalyşmak köplenç gymmada düşýär. Diagnostika enjamlaryny öndürmekde ýöriteleşen CarMD amerikan kompaniýasynyň hünärmenleri iň ygtybarly hereketlendirijisi bolan awtoulaglary mälim etdiler – diýip, Daily-Motor.Ru ýazýar.
Dolandyryş panelinde “Check Engine” (“hereketlendirijini barlamak zerur”) ýazgysynyň soňky bäş ýylda peýda bolmagynyň ortaça sany awtoulaglara baha bermekde esasy görkeziji boldy. Hereketlendirijiniň barlag lampasynyň işleýşi 0,66% deň bolan “Mitsubishi” kysymly awto bu babatda öňdebaryjy boldy.
Ikinji ýerde Germaniýanyň “Mersedes-Benz” brendiniň awtoulaglary, üçünji orunda “Volkswagen” bar. Şeýle hem, liderleriň sanawyna Buik, Ford, Mazda, BMW, GMC, Subaru we Cadillac girdi.
“CarMD” modelindäki ulaglaryň hereketlendirijisi taýdan iň ygtybarlylarynyň hataryna “Toyota Tacoma”, “Honda CR-V”, “Toyota Camry”, “Honda Accord”, “Hyundai Santa Fe”, “Ford Explorer” we “Nissan Qashqai” kysymly ulaglar girýär.
ORIENT news
