TDHÇB-daky söwdalaşyklar: «B» kysymly karbamid we ТС-1 uçar kerosini eksport edildi
Seişenbe güni, 18-nji aprelde Türkmenistanyň Döwlet haryt-ig mal biržasyndaky söwdalaşyklarda jemi bahasy $23 mln amerikan dollaryna deň bolan 5 geleşik baglaşyldy - diýip, ORIENT-iň habarçysy habar berýär.
Beýik Britaniýadan we Owganystandan gelen işewürler «B» kysymly karbamidiň jemi 100 müň tonnasyny satyn aldylar, önümiň her tonnasyna $181 amerikan dollary baha hödürlediler. Geleşikleriň jemi bahasy $18,1 mln amerikan dollaryna deň boldy.
Özbegistandan gelen telekeçi ТС-1 kysymly uçar kerosininiň her tonnasyna $710,75 amerikan dollary baha berdi we önümiň 7 müň tonnasyny satyn aldy. Geleşigiň jemi bahasy $4,9 mln amerikan dollaryndan geçdi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
