Beýik Britaniýanyň Türkmenistandaky ilçihanasy çagalary täç taýýarlamak boýunça bäsleşige çagyrýar
Birleşen Patyşalygyň şasy Karl III maý aýyna meýilleşdirilen täç geýdirmek dabarasynyň çäklerinde Beýik Britaniýanyň Türkmenistandaky ilçihanasy täç taýýarlamak boýunça bäsleşigi geçirýär.
Ýaryş 6 ýaşdan 14 ýaşa çenli Türkmenistanyň ähli çagalary üçin açykdyr. Oňa gatnaşmak üçin olar gaýtadan işlenen materiallardan şanyň esasy nyşanyny ýasamalydyrlar. Şunlukda ol ajaýyp we özüne çekiji bolmalydyr.
Bäsleşik üç ýaş derejesinde – 6 ýaşdan 8 ýaşa çenli, 9 ýaşdan 11 ýaşa çenli we 12 ýaşdan 14 ýaşa çenli çagalaryň arasynda geçirilýär.
Işleriň netijelerini Aşgabatdaly Ak Altyn myhmanhanasynyň 3-nji gatynda ýerleşýän Beýik Britaniýanyň Türkmenistandaky diplomatik wekilhanasyna urgatmaly ýa-da taýýarlanylan täji kelläňe geýip düşürilen suraty ukembassy.ashgabat@fcdo.gov.uk. elektron poçtasyna ugratmaly.
Işleri tabşyrmagyň soňky möhleti – 2023-nji ýylyň 30-njy apreli.
Her üç ýaş derejesinden ýeňijileriň atlary 6-njy maýda yglan ediler. Olar Aşgabatda täç geýdirilmegini baýram etmek dabarasyna çagyrylarlar we Bukingem köşgüniň ýygyndysyndan ýadygärlik sowgatlary alarlar.
ORIENT habarlar
