Türkmenistandaky BMG geljekdäki liderleriň DÖM-y babatyndaky habardarlygynyň ýokarlanmagyna ýardam edýär
BMG-niň Türkmenistandaky wekilhanasynyň hünärmenleri geljekdäki liderleriň Durnukly ösüşiň maksatlary babatynda habardarlygynyň ýokarlanmagyna gönükdirilen leksiýa bilen çykyş etdiler. Bu leksiýa Türkmenistanyň Zähmet we ilaty durmuş taýdan goramak ministrliginiň we Hazar Deňiz institutynyň işgärleri üçin geçirdiler.
Çäre döwlete degişli bolan düzümleriň hünärmenleriniň gatnaşmagynda, şeýle hem halkara guramalaryň işgärleriniň gatnaşmagynda gibrid görnüşinde geçdi – diýip, BMG-niň Türkmenistandaky wekilhanasy habar berýär.
Gatnaşyjylar maliýeleşdirmek, maýa goýumlar, serhetara hyzmatdaşlyk, energetika, suw serişdeleri we ýerden peýdalanmak babatynda pudaklar arasyndaky özara gatnaşyklaryň mehanizmleri bilen tanyşdylar.
Leksiýa Türkmenistanyň DIM-niň Halkara gatnaşyklary institutynyň DÖM-y boýunça Ylmy-usulyýet merkeziniň ýardam etmeginde guraldy.
ORIENT habarlar
