Türkmen-rus mekdebiniň okuwçylary howanyň üýtgemeginiň meseleleri bilen tanyş boldular
Aprel 20, 2023 | 15:26 |9627
BMG-niň Türkmenistandaky ösüş maksatnamasynyň guramagynda A.S. Puşkin adyndaky türkmen-russiýa umumybilim berýän mekdebiniň okuwçylary bilen duşuşyk geçirildi, onuň dowamynda okuwçylar howanyň üýtgemegi we daşky gurşawy goramak baradaky meseleler bilen tanyşdyryldy.
BMGÖM-nyň hünärmenleri okuwçylar üçin «howa wiktorinasyny» guradylar, şeýle hem «Howa gutujygy» atly bilim beriji toplumy we gollanmany hödürlediler – diýip, guramanyň ýurtdaky wekilhanasy habar berýär.
Hünärmenler adamlaryň howa bilen bagly meseleler barada habarly bolmagynda, endiklerimizi üýtgetmekde we tebigata bolan gatnaşygymyzy üýtgetmekde bilimiň esasy ähmiýete eýedigini bellediler. Çäre 22-nji aprelde bellenip geçilýän Ene-Ýeriň Halkara gününe bagyşlandy.
ORIENT habarlar
