Ysraýylyň DIM-niň baştutany 19-njy aprelde ilkinji gezek Aşgabada geler

Aprel 19, 2023 | 14:49 |10517

Ysraýylyň daşary işler ministri Eli Koen 19-njy aprelde agşam Aşgabada gelýär, şeýlelik bilen ol 30 ýylyň dowamynda Merkezi Aziýa döwletine baryp gören ysraýyl hökümetiniň ilkinji agzasy bolar – diýip, The Times of Israel habar berýär.

Penşenbe güni Ysraýylyň DIM-niň baştutanynyň Türkmenistanyň baştutany Serdar Berdimuhamedow bilen, öz kärdeşi Raşid Meredow we Oba hojalyk we daşky gurşawy goramak ministri Allanur Altyýew bilen gepleşikleri geçirmegine garaşylýar.

Edil şol güni ministr Ysraýylyň Aşgabatdaky ilçihanasynyň täze binasyny dabaraly ýagdaýda açar we Türkmenistandaky ýewreý jemgyýetiniň wekilleri bilen duşuşar.

Ministr Türkmenistana Azerbaýjandan geler.

ORIENT habarlar