Türkmen hünärmenleri maliýe babatynda mümkinçiliklerini ýokarlandyrýarlar
2008-nji ýylyň Milli hasaplar ulgamyna laýyklykda düýp maýanyň sarp edilişini hasaplamagyň meseleleri BMGÖM-y tarapyndan Türkmenistanyň Maliýe we ykdysadyýet ministrliginiň, Türkmenistanyň Statistika baradaky döwlet komitetiniň we Türkmenistanyň Merkezi bankynyň wekilleri üçin guralan iki günlük okuwyň barşynda ara alnyp maslahatlaşyldy.
BMGÖM-nyň halkara bilermeni Maksimilinao Ýommi tarapyndan alnyp barlan çäräniň dowamynda düýp maýany sarp etmegiň hasaplamalaryny kämilleşdirmek we bu usulyýeti 2008-nji ýylyň Milli hasaplar ulgamyna gabat getirmek boýunça maslahatlar berildi.
Çäre Statistika baradaky döwlet komitetiniň institusional, statistik we maglumat-tehniki mümkinçiligini pugtalandyrmak boýunça BMG-niň Ösüş maksatnamasynyň we Türkmenistanyň Statistika baradaky döwlet komitetiniň bilelikdäki taslamasynyň çäklerinde guraldy.
ORIENT habarlar
