Gurban Berdiýewiň "Rubin"-e ýolbaşçylyk etmegi ahmal
Aprel 14, 2023 | 16:28 |10599
Gurban Berdiýewiň Kazanyň "Rubin" futbol klubyna ýolbaşçylyk etmegi ahmal - diýip, Rusfootball.info habar berdi.
Neşiriň berýän maglumatyna görä, garaşylmadyk ýagdaýda “Soçi” toparynyň baş tälimçisi wezipesini terk eden Gurban Berdiýewiň ýene-de Kazanyň “Rubinine” ýolbaşçylyk etmegi mümkin.
Ozal Kazan klubynyň ýolbaşçylarynyň toparyň baş tälimçisi Ýuriý Utkulbaýewiň ýerine Raşid Rahimowy göz öňünde tutýandygy habar berlipdi.
Gurban Bekiýewiç on iki ýyldan gowrak “Rubiniň” baş tälimçisi bolup işledi. Şeýle hem, 70 ýaşly hünärmen Kazanyň wise-prezidenti wezipesini eýeleýärdi.
ORIENT news
