Türkmenistanyň Prezidenti mübärek Gadyr gijesi mynasybetli, 463 raýatyň günäsini geçmek hakyndaky Permana gol çekdi
Şenbe güni Prezident Serdar Berdimuhamedow mübärek Gadyr gijesi mynasybetli, jenaýat edendikleri üçin iş kesilen 463 raýatyň günäsini geçmek hakyndaky Permana gol çekdi.
Je¬na¬ýat eden¬dik¬le¬ri üçin iş ke¬si¬len we eden et¬miş¬le¬ri¬ne ökü¬nip, ak ýü¬rek¬den to-ba ge¬len ra¬ýat¬la¬ryň mu¬kad¬des Ga¬dyr gi¬je¬si¬niň öň ýa¬nyn¬da gü¬nä¬si¬ni geçmek Türkmenistanda asylly däbe öwrüldi. Resminama laýyklykda, 463 türkmen raýaty je¬za çek¬mek¬den bo¬şadyldy.
Türkmenistanyň Prezidenti Döwlet howpsuzlyk geňeşiniň sekretary, goranmak ministri B.Gündogdyýewe günäsi geçilen adamlaryň tussaglykdan boşadylyp, ýakyn wagtda öz öýlerine, maşgala agzalarynyň arasyna barmaklary üçin, hukuk goraýjy edaralaryň ýolbaşçylary bilen bilelikde ähli zerur işleri geçirmegi tabşyrdy. Şeýle hem, Döwlet Baştutany welaýat, etrap, şäher häkimlikleriniň ýolbaşçylaryna günäsi geçilen adamlaryň iş bilen üpjün edilmegine ýardam bermek barada görkezme berdi.
Mukaddes Remezan aýynyň sahawata baý Gadyr gijesi Oraza aýynyň 27-nji gijesi bolup, bu ýyl külli musulman ymmaty sogaplaryň hasaplanýan gijesini aprel aýynyň 17-sinden 18-ine geçiljän gije bellär.
ORIENT news
