Akkumulýatory aýrylýan akylly telefonlar nirä ýitdi?
Soňky ýyllarda akylly telefonlary öndürijileriň köpüsi öz gurluşlarynda aýrylýan akkumulýatorlary ulanmakdan ýüz dönderýärler. Şunlukda, birnäçe ýyl mundan öň telefonlaryň aglabasynyň batareýi aýrylýardy. Olar nirä ýitirim boldularka?
Munuň birnäçe sebäbi bardyr. Biz olardan esasylaryny aldyk:
Oňaýlylyk we dizaýn
Batareýasy aýrylýan smartfonlaryň bazardan gitmeginiň sebäpleriniň biri dizaýndyr. Häzirki zamansmartfon öndürijileri has inçe we ýeňil gurluşlary döretmäge synanyşýarlar, şol sebäpli olaryň arka tarapy aýrylýan däldir.
Mundan başga-da, batareýasy aýrylýan gurluşlar ulanyşda has oňaýsyz bolup biler, sebäbi arka tarapynyň gapagy berk bolman biler we duýdansyz açylmagy mümkin.
Suwdan we tozandan goramak
Häzirki zaman akylly telefonlarda suwdan we tozandan gorag bar, bu bolsa arka tarapynda aýrylýan bölegiň bolmagy bilen bir ýere sygyşmaýar. Suw geçirmeýän korpus has berk gysylmagy talap edýär, ony bolsa aýrylýan gapak bolan halatynda muny edip bolanok.
Tiz zarýad almak tehnologiýasy
Quick Charge ýaly tiz zarýad almak tehnologiýasynyň döremegi bilen, aýrylýan batareýli bolmagy kän wajyp däldir. Indi ulanyjylar 10 minudyň dowamynda gurluşy 30-50% zarýad aldyryp bilýärler (modele baglylykda).
Önümçiligiň bahasy (gymmaty)
Batareýi aýrylýan smartfonlaryň ýitmegine getiren ýene-de bir faktor önümçiligiň gymmatydyr. Aýrylýan batareýleriň ýasalmagy goşmaça çykdajylary, synag etmekligi we gaplamany talap edýär. Mundan başga-da, aýrylýan batareý bilen mesele ýüze çykanda, öndüriji hyzmat etmek we çalyşmak bilen baglanyşykly goşmaça çykdajylara duçar bolup biler.
Gynansak-da, aýrylýan batareýlerden ýüz döndermegiň tersin täsirleri hem bardyr. meselem, batareý bilen mesele ýüze çykanda akylly telefony abatlamaga bermeli bolýar, ol ýerde ony uzak wagtlap saklap bilerler.
Käbir öndürijileriň batareýi aýrylýan modelleri çykarmagyny dowam etdirýändigi begendirýär. Olaryň arasynda LG we Samsung bar. Ýöne smartfonlaryň şu modelleri öňküsi ýaly meşhur däldir we olara satuwda has seýrek duş gelmek bolýar.
ORIENT
