Türkmenistanda ahalteke bedewiniň gününe bagyşlap medeniýet işgärleriniň bäsleşigi geçiriler
Aprel 19, 2023 | 11:39 |8891
Türkmenistanyň Prezidenti Serdar Berdimuhamedow türkmen bedewiniň Milli baýramy mynasybetli bäsleşikleriň geçirilmegi hakynda degişli Buýruga gol çekdi – diýip, TDH habar berýär.
Resminama laýyklykda 2023-nji ýylyň 30-njy aprelinde Aşgabatda ahalteke bedewleriniň halkara gözellik bäsleşigi, şeýle hem suratkeşleriň, heýkeltaraşlaryň, halyçylaryň, suratçylaryň, žurnalistleriň, teleoperatorlaryň we dizaýnerleriň arasynda bäsleşik geçiriler.
Ýaryşlaryň esasy maksady – sungat eserlerinde «behişdi» bedewleriň gözelligini görkezmek we beýan etmek, olaryň şöhradyny meşhur etmek we köpeltmekdir. Şeýle hem meýilleşdirilen çäreleriň çäklerinde eminler düzümi hem tassyklandy.
ORIENT habarlar
