BelTA: Minsk GDA ýurtlarynyň II Oýunlarynda sportyň ýedi görnüşi boýunça ýaryşlary kabul eder
Minskiniň kabul etjek GDA ýurtlarynyň II Oýunlarynyň çäklerinde sportuň ýedi görnüşi boýunça ýaryşlar geçiriler – diýip, Minsk şäheriniň ýerine ýetiriji komitetiniň Sport we syýahatçylyk baradaky müdirliginiň baştutany Maksim Woropaýa salgylanyp, BelTA habar berýär. Onuň aýtmagyna görä, paýtagtyň Oýunlara taýýarlygy ýokarydyr.
Belarusyň paýtagtynda ýaryşlary guramaklyga we geçirmeklige jogapkär beýleki hünärmenler bilen bilelikde müdirligiň işgärleri Oýunlaryň barşynda ulanyljak şäheriň sport binalarynyň we infrastruktura desgalarynyň barlagyny geçirdiler. Gurnaýjylar türgenleriň ýaşamagy üçin bölünip berlen ýerler bilen tanyşdylar, menýuny öwrendiler, şeýle hem Oýunlaryň gatnaşyjylarynyň myhmanhanadan sport desgasyna we yzyna gidip-gelmegi üçin amatly ugry işläp düzdüler.
Maksim Woropaýyň habar bermegine görä, Çeper gimnastika köşgi, «Minsk-Arena», Sport köşgi, «Palowa-Arena», «Çižowka-Arena» sport toplumy, SKA «Uruçýe», sportuň atyjylyk görnüşleri boýunça sport-sagaldyş toplumlary — türgenleri kabul etmäge taýýar.
Sport desgalarynyň sanawy entek açyk bolup galýar we türgenleriň sany barada gutarnykly karara gelnenden soň onuň üsti ýetirilip bilner. Meselem, Minskide woleýbol boýunça ýaryşlary geçirmek üçin woleýbol boýunça üç ýer zerur bolar: Sport köşgi, «Çižowka-Arena» we SKA «Uruçýe».
ORIENT harlar
