Türkmenistanlylara hepdäniň soňunda yssy howa garaşýar
Şu hepdäniň başynda Türkmenistanyň çägindäki howany Russiýanyň Ýewropa çäginden gelen antisiklon kesgitlär. Sowuk howa akymlarynyň gelmegi sebäpli, gije-gündizdäki ortaça temperatura kadadan 2-5 dereje pes bolar. Hepdäniň ahyryna ýurtdaky ortaça temperatura +33...+38 gradus bolar – diýip, «Meteožurnal» neşiri habar berýär.
Duşenbe. Gijesine Türkmenistanyň demirgazygynda termometriň sütüni +2...+7 gradusa çenli pese gaçar, Balkan welaýatynda +2...+7, günortasynda +10° çenli peseler. Galan welaýatlarda +7...+12° bolar. Gündizine Türkmenistan boýunça +13...+18° , günortada käbir ýerlerde +20° derejedäki howa agdyklyk eder.
Sişenbe. Gijesine Daşoguz welaýatynda, Balkan welaýatynyň demirgazygynda we Lebapda +2...+7, galan welaýatlarda +5...+10° gradus bolar. Gündizine +14...+19°, ýurduň günortasynda käbir eýrlerde +18...+23° bolar.
Çarşenbe. Sowuk howa akymlarynyň täsiri gowşaýar, temperatura ýene-de ýokarlanyp başlaýar. Gijesine demirgazykda +4...+9°çenli, günortada +7...+12° çenli. Gündizine Balkan welaýatynda +21...+26° (kenarýaka etraplarda +15...+20°), Ahalda +19...+24° çenli, galan welaýatlarda +18...+23° bolar.
Penşenbe. Temperatura ýokarlanmagyny dowam eder. Balkan welaýatynda eýýäm +27...+32, kenarýaka etraplarynda +18...+23°. Ahal welaýatynda +24...+29°, Mary we Lebap welaýatlarynda +22...+27°, Daşoguzda bolsa +21...+26°.
Hepdäniň soňunda. ýurda yssy howa gaýdyp gelýär. Anna güni Balkan we Ahal welaýatlarynda käbir ýerlerde +33...+38°. Mary we Lebap welaýatlarynda gündizine +33...+38°, Daşoguzda +29...+34° bolar.
ORIENT habarlar
