«Uly ýedilik» Merkezi Aziýadaky anyk meseleleri çözmekde hyzmatdaşlyk eder
«Uly ýediligiň» ýurtlary Türkmenistana, Gazagystana, Özbegistana, Täjigistana we Gyrgyzystana degişli anyk meseleleri çözmekde hyzmatdaşlyk etmek barada ylalaşdylar. Bu hakda G7-niň DIM-niň baştutanlarynyň Ýaponiýada geçen mejlisiniň barşynda belli boldy – diýip, TASS habar berýär.
Daşary işler ministrleri ýurtlaryň Merkezi Aziýa döwletleriniň umumy sebitleýin meselelerini çözmekde özara hereket etmeklerini dowam etdirjekdiklerini biragyzdan beýan etdiler.
«Uly ýedilik» ýa-da «Ýedilik topary» — bu meýdança bolup, onuň çäklerinde Günbataryň ykdysady taýdan has ösen ýurtlary dünýädäki häzirki wakalar barada pikir alyşýarlar, bütindünýä ykdysadyýetiniň we syýasatynyň dürli meseleleri boýunça maslahatlary düzýärler. Oňa ABŞ, Germaniýa, Fransiýa, Kanada, Italiýa, Beýik Britaniýa, Ýaponiýa girýär. G7-niň mejlisleri Ýewropa komissiýasynyň gatnaşmagynda geçýär.
Daşary işler ministrleriniň duşuşygy Ýaponiýada, Karuidzawa şäherinde 16-njy aprelden 28-nji aprele çenli geçýär.
ORIENT habarlar
