Iki günlük ösüşden soň nebitiň dünýä boýunça bahasy peselýär
Söwda maglumatlaryna görä, dünýädäki nebitiň bahasy iki gün ýokarlanandan soň penşenbe güni peselip ugrady.
Irden, “Brent” markaly nebit üçin iýun fýuçersleriniň bahasy bir barrel üçin 0,38% - 87 dollara, WTI üçin maý fýuçersleriniň bahasy - 0,32%, 82,99 dollara çenli arzanlady. Ozalky iki günde nebitiň bahasy ýokarlanypdy. “Brent” markaly nebitiň bahasy 3,59%, WTI markalynyňky - 4,36% ýokarlandy.
Bazarlar ABŞ-nyň Energetika ministrliginiň ýurtdaky nebit gorlary baradaky maglumatlaryna baha berýär. ABŞ-da täjirçilik nebit gorlary (strategiki ätiýaçlykdan başga) 7-nji aprelde tamamlanan hepde üçin 0,6 million barrele ýa-da 0,1 göterim artyp, 470,5 million barrele ýetdi. Analitikler, tersine, nebit gorlarynyň 0,6 million barrele çenli azalmagyna garaşypdylar.
Şol bir wagtyň özünde ABŞ-nyň strategiki nebit ätiýaçlygy hepdäniň dowamynda 1,6 million barrele düşüp, 369,6 million barrele çenli azaldy, bu 1983-nji ýylyň noýabr aýyndan bäri iň pes derejedir.
ORIENT news
