Iordaniýada mukaddes Gurhany okamak boýunça bäsleşik geçirilýär
Aprel 13, 2023 | 23:27 |8784
Iordaniýanyň paýtagty Ammanda şu günler mukaddes Gurhany okamak boýunça XXX Halkara bäsleşik geçirýär. Dünýäniň dürli künjeginden musulmanlaryň gyzyklanmasyna eýe bolýan bu bäsleşik Iordaniýa patyşasynyň howandarlygynda geçirilýär.
11-nji aprelde badalga alan bäsleşigiň ýeňijileri 17-nji aprelde yglan ediler - diýip, islamsng.com habar berýär.
Dünýäniň iň abraýly bäsleşiklerinden biri hasaplanýan bu ýaryşa gatnaşmak üçin 43 ýurtdan mukaddes Gurhany okamakda ussatlyga ýetenler Iordaniýada jemlendi.
Düzgüne laýyklykda, bäsleşige gatnaşyjylar Gurhany ýatdan bilmelidirler we ony tajwid düzgünlerine laýyklykda okamalydyrlar. Esasan, okyjynyň sesiniň owadanlygyna we labyzly okuwyna üns berilýär.
ORIENT news
