Türkmen ilçihanasynyň işgärleri Pekiniň ajaýyp ýerleri boýunça welosipedli ýöriş geçirdiler
Türkmenistanyň Hytaýdaky ilçihanasynyň işgärleri Hytaýyň paýtagtynyň köçelerine we ajaýyp ýerlerine welosipedli baryp gördüler - diýip, diplomatik wekilhanada ORIENT-e gürrüň berdiler.
Welosipedli ýörüşiň dowamynda türkmen diplomatlary köne Pekiniň we gadagan edilen şäheriň töwreginden geçdiler.
1420-nji ýylda gurlan Pekindäki gadagan edilen şäher bir wagtlar imperiýa bolan Hytaýyň ýüregidir. Bu gün ol Hytaýdaky iň gowy saklanyp galan imperator köşgüdir we dünýädäki gadymy köşk toplumlarynyň irileriniň biridir. Hytaýlylaryň özleri gadagan edilen şähere «Gugun» diýýärler.
Pekinde köne şäheriň gurşawyna galtaşyp gidýän ýerleriň birnäçesi saklanyp galypdyr. Şeýlelikde, ilçihananyň işgärleri şowhunly köçelerden, her dürli öwüşginli «ýaşyl» seýilgäh zolaklardan geçip, pekinlileriň durmuşy bilen tanyşdylar.
Bu welosipedli ýöriş türkmen diplomatlarynyň sagdyn durmuş ýörelgesine berk ygrarlydygyny görkezip, ýakymly zady peýdaly zatlar bilen utgaşdyrmagyň hakyky subutnamasydyr.
ORIENT habarlar
