Halkara kuraş göreşi federasiýasy dopinge garşy ýokary hilli maksatnamany üpjün etmegi niýet edinýär
Halkara kuraş göreşi federasiýasy Test geçirmek boýunça halkara agentligi (ITA) bilen hyzmatdaşlyk etmek hakynda ylalaşyga gol çekdi, ol dopinge garşy ýokary hilli maksatnamany üpjün etmeklige niýetlenendir.
Üç ýyla niýetlenen ylalaşygyň çäklerinde Test geçirmek boýunça halkara agentligi kuraş göreşi boýunça ýaryşlaryň dowamynda, şeýle hem ýaryşdan beýleki wagtlarda türgenlerde doping-gözegçiligini geçirer. Ol türgeniň fiziologik profilini we sport aýratynlyklaryny seljermäge esaslanar.
ITA şeýle hem türgenleriň biologiki pasportlaryny dolandyrar, nusgalaryň uzak möhletleýin saklanmagyny amala aşyrar, bu bolsa maglumatlary alnan senesinden soňra 10 ýylyň dowamynda seljermäge mümkinçilik berer. Öz gezeginde hasabatlylyk platformasy «REVEAL» doping işi barada gizlin maglumaty almaga mümkinçilik berer.
Hyzmatdaşlyk türgenleri Bütindünýä dopinge garşy agentligiň Halkara bilim ölçeglerine laýyklykda okatmaklygy hem göz öňüne tutýar.
«Göreş diýmek «maksada adalatly ýol bilen ýetmekdir» we munuň üçin bize arassa sport gerek. Ynha şol sebäpden hem biz ITA goşuldyk, biziň agzalarymyzyň bilimiň ähli artykmaçlyklaryny almagy we dopinge garşy maksatnamalara düşünmekleri üçin» – diýip, Halkara kuraş göreşiň federasiýasynyň prezidenti Haýdar Farmani aýtdy.
Halkara kuraş göreşiň federasiýasy 1998-nji ýylda döredildi. Häzirki wagtda onuň düzüminde 120 agza-federasiýa bardyr.
ORIENT habarlar
