BOMKA MA ýurtlarynyň hukuk goraýjy edaralaryň wekilleri üçin seminar geçirdi
Türkmenistanyň wekilleri Merkezi Aziýada serhetleriň dolandyrylmagyna ýardam etmek (BOMKA 10) maksatnamasy tarapyndan serhet, migrasiýa we hukuk goraýjy edaralaryň işgärleri, şeýle hem olaryň garamagyndaky okuw mekdepleriniň mugallymlary üçin gurnalan sebitleýin onlaýn-seminara gatnaşdylar.
Oňa şeýle hem Gazagystanyň, Gyrgyzystanyň, Täjigistanyň we Özbegistanyň hem wekilleri gatnaşdylar.
Çäre adam söwdasynyň pidalaryny, bikanun migrantlary we olaryň şahsyýetini anyklamak babatyndaky işleri netijeli geçirmek üçin serhet gözegçiligi hünärmenlerini taýýarlamakda usulyýet goldawyny bermeklige niýetlenendir. Şunuň bilen baglylykda, gatnaşyjylar bu ugurdaky okatmagyň häzirki zaman görnüşleri we usullary bilen tanyşdylar.
Seminar BOMKA 10 Maksatnamasynyň 1 düzüm bölegini «Serhet edaralarynyň institusional ösüşi» ýerine ýetirmegiň çäklerinde gurnaldy, ol sebitiň ýurtlarynda serhet gözegçiligi edaralarynyň institusional mümkinçiligini mundan beýläk ösdürmeklige we pugtalandyrmaga gönükdirilendir.
Dünýäde adam söwdasy we migrantlary bikanun ýerleşdirmek boýunça her dürli amallar ýerine ýetirilýär. Adam söwdasynyň öňüni almak we oňa garşy göreşmegiň netijeli hereketleri habar beriş kampaniýalarynyň geçirilmegi bilen birlikde halkara derejesinde hemmetaraplaýyn çemeleşmäni talap edýär.
ORIENT habarlar
