Türkiýe Özbegistan bilen haryt dolanyşygyny $5 mlrd ýetirmek isleýär
Türkiýe we Özbegistan ikitaraplaýyn haryt dolanyşygyny $5 mlrd çenli ýetirmegi meýilleşdirýärler. Türkiýäniň Daşkentdäki ilçisi Olgan Bekar bu barada «Turkic World» neşirine beren interwýusynda nygtady.
«2021-nji ýylda Türkiýe bilen Özbegistanyň arasyndaky haryt dolanyşygy 3,6 mlrd dollardan geçdi, olara bu sany 2022-nji ýylda hem saklamak başartdy. Häzir biz gysga wagtda bu görkezijini $5 mlrd amerikan dollaryna ýetirmek üçin mümkin bolan ähli zady edýäris» - diýip, diplomat beýan etdi.
Soňky maglumatlara görä, pandemiýa döwründe döredilen ykdysady päsgelçilikler aýrylandan soňra iki ýurduň arasyndaky haryt dolanyşygy geçen ýyllaryň degişli döwürleri bilen deňeşdireniňde 5%-den gowrak artýar.
Geçen ýylyň noýabrynda Türkiýe Respublikasynyň baştutany Rejep Taýyp Ärdogan ýurduň Türkmenistan bilen hem özara söwdasynyň möçberini $5 mlrd amerikan dollaryna ýetirmekligi meýilleşdirýändigini beýan edipdi.
ORIENT habarlar
