BelTA: Lukaşenko GDA boýunça hyzmatdaşlaryna kazyýet ulgamyny utgaşykly özgertmegi teklip etdi
Belarusyň prezidenti Aleksandr Lukaşenko GDA boýunça hyzmatdaşlaryna kazyýet ulgamyny utgaşykly özgertmegi teklip etdi. Bu barada ol Russiýanyň, Azerbaýjanyň, Täjigistanyň, Gazagystanyň, Özbegistanyň we Gyrgyzystanyň ýokary kazyýetleriniň wekilleri bilen duşuşykda beýan etdi, olar Belarusyň kazyýetiniň döredilmeginiň 100 ýyllygynyň baýram edilmeginiň çäklerinde Minskä geldiler.
«Kazyýet işindäki köp özgertmeleri biz birwagtda we ylalaşykly geçirip bileris» —diýip, Lukaşenko beýan etdi, ýurtlaryň işleriň dürli ugurlarynda ýakyndan hyzmatdaşlyk edýändiklerini, şol sanda Garaşsyz Döwletleriň Arkalaşygy, Birleşigiň döwletleri, Ýewraziýa ykdysady birleşigi ugry boýunça hyzmatdaşlyk edýändiklerini nygtady.
Lukaşenkonyň sözlerine görä, ýurtlar Belarusyň Ýokary kazyýetiniň başlangyjy bilen GDA döwletleriniň ýokary kazyýetleriniň başlyklarynyň Geňeşini döredip, kazyýet babatynda özara hyzmatdaşlygy pugtalandyrmakda ilkinji ädimi ätdiler. Bu öz gezeginde, ýurtlaryň adalatlylyk babatynda çemeleşmelerini utgaşdyrmaga mümkinçilik berer.
ORIENT habarlar
