Türkmenistanyň we Özbegistanyň DIM-leri bilelikdäki resminamalary taýýarlamagyň meselelerini ara alyp maslahatlaşdylar
Türkmenistanyň we Özbegistanyň DIM-niň wekilleri iki ýurduň diplomatik edaralarynyň arasynda 2023-2024-nji ýyllar üçin hyzmatdaşlyk Maksatnamasynyň çäklerinde türkmen-özbek gatnaşyklarynyň şertnama-hukuk esasyny kämilleşdirmek boýunça maslahatlaşmalary geçirdiler.
Taraplar kabul edilmegi meýilleşdirilýän resminamalar barada birek-birege habar berdiler, halkara ylalaşyklaryny baglaşmak we ýerine ýetirmek we olary çap etmek boýunça tejribe alyşdylar – diýip, Türkmenistanyň DIM-niň metbugat-gullugy habar berýär.
Samarkantda geçen duşuşygyň dowamynda diplomatlar döwletara ylalaşyklarynyň elektron hasabyny ýöretmek baradaky maglumaty paýlaşdylar. Maslahatlaşmalaryň jemleri boýunça taraplar indiki duşuşygy Aşgabatda geçirmek barada ylalaşdylar.
ORIENT habarlar
